Нидерландыда ерекше кемпер сатылады

Нидерландыдағы классикалық автомобильдер дилерінің қоймасынан британиялық ерекше раритет табылды. Ол — Мартин-Уолтер шанақ ательесі кемперге айналдырған Bedford CA микроавтобусы. Көліктің тіпті Dormobile деген өз атауы бар.

1 / 11

• 
• 
• 
• 
• 
• 
• 
• 
• 
• 
• 

1 / 11

Кемпер өте қарапайым. Шеберлер микроавтобус төбесінің бір бөлігін алып тастап, орнына терезесі бар шатыр орнатқан. Соның арқасында Dormobile ішінде тік тұрып жүруге болады, сондай-ақ онда екі адамға арналған жатын орын бар.

1 / 8

• 
• 
• 
• 
• 
• 
• 
• 

1 / 8

Модель төрт жолаушыға арналған. Артқы жағында винилмен қапталған екі кресло тұр, оларды алдыңғы орындықтарға қосып, екі адамдық төсекке айналдыруға болады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Салонда раковинасы бар шағын ас үй орналасқан, газ пеш пен тоңазытқыш бір жәшікте тұр. Ал есікте түрлі ұсақ-түйекке арналған қалталар көзге түседі.

Dormobile механика қораппен жұптасатын 1.6 литрлік бензинді мотормен жүреді. Қозғалтқышты автомобиль ішінен көре аласыз.

Базалық Bedford CA Ұлыбритания, Аустралия, Жаңа Зеландия және Канадада өте танымал модель болған. Автомобиль 1952-1969 жылдары жарық көрді. 17 жылда 370 мың данасы шығыпты. Олардың қаншасы кемперге айналғаны белгісіз. Сатушылар көбі бүгінге дейін сақталмағанын айтты. Сол үшін 1961 жылғы экземпляр 40 мың еуроға бағаланып отыр.